Respektimi i të drejtave të autorit dhe i të drejtave të ngjashme është top-temë e KRD

KRD e ka obligim të kujdeset për të drejtat e autorit

Këshilli i Radiodifuzionit si subjekt rregullator në sferën e mediave elektronike është i obliguar me ligj që të rregullojë “përmbajtjen mediatike”, të kujdeset për llojllojshmërinë e ofertës mediatike, të mbrojë publikun minoren nga përmbajtjet mediatike që mund të ndikojnë dëmshëm tek ai e ngjashëm. Gjithsesi, një prej obligimeve të rëndësishme është edhe mbrojtja e të drejtave të autorit dhe të drejtave të ngjashme edhe i atyre serviseve mediatike nga vendet e jashtme që riemetohen përmes operatorëve të rrjeteve të komunikacionit publik, siç janë operatorët e televizionit kabllor, IPTV, të televizionit digjital pa tel, televizionit satelitor si DTH (Direct-to-Home) etj.

Si duket rregullacioni i përmbajtjeve audio-vizive tek operatorët e rrjeteve të komunikacionit publik?

operatori_monitoring Konform Ligjit për veprimtari radiodifuzive, KRD ua regjistron operatorëve të rrjeteve të komunikacionit publik të ashtuquajturat “paketa programore”, të cilat përfshijnë serviset programore (të televizionit dhe të radios). Ky regjistrim i paketave kryhet mbi bazë të vërtetimit që më parë merret nga Ministria e Kulturës për të drejta të autorit të rregulluara për kanalin përkatës televiziv ose të radios. Për çdo ndryshim të paketës – shtim ose heqje kanali – operatori patjetër duhet ta informojë KRD-në, i cili pastaj gjegjësisht bën regjistrimin e paketës programore.

(Foto: Punonjësi i KRD kryen monitorimin e operatorëve të ndryshëm të rrjeteve të komunikacionit publik: kabëll, satelit, TV tokësor digjital)

Për një rregullim më efikas të të drejtave të autorit e të të drejtave të ngjashme dhe për të luftuar piraterinë, KRD formoi një sektor të veçantë në kuadër të Shërbimit profesional të KRD-së, kompetenca e të cilit ekskluzivisht është regjistrimi i paketave programore dhe mbrojtja e të drejtave të autorit dhe e të drejtave të ngjashme në sferën e radiodifuzionit në Maqedoni. Ky sektor bën monitorim të rregullt të përmbajtjeve që emetohen nga mediat elektronike maqedonase dhe ato që riemetohen përmes rrjeteve të operatorëve dhe vijnë nga jashtë. Monitorimi kryesor i asaj që riemetojnë operatorët kryhet në qendrën e monitorimit e të procesuimit të KRD në Shkup, ndërkohë që ekipe mobile vazhdimisht bëjnë monitorim edhe në viset rurale.

Dënime për shkelësit e të drejtave të autorit e të të drejtave të ngjashme

Pas monitorimit të kryer, rezultatet krahasohen me paketat e regjistruara në KRD, përkatësisht me ato përmbajtje programore për të cilat operatori përkatës ka siguruar të drejtat e autorit. Po qe se në përmbajtjet që riemetohen vërehen kanale për të cilat nuk janë rregulluar të drejtat e autorit, atëherë KRD ngre procedura kundërvajtëse ose penale kundër këtyre subjekteve.

Përse nuk mund të shihen HTV2, Nova, RTL-Kroaci në Maqedoni?

Pra, për riemetim të çdo kanali – vendor ose të huaj – i njëjti kanal më parë duhet të pajtohet për riemetimin e tij në territorin e Maqedonisë. Disa kanale, siç janë HTV2, Nova, RTL-Kroaci, Premiere etj. nuk kanë interesim për riemetimin e tyre në Maqedoni. Prandaj këto kanale nuk iu japin fletëpajtim operatorëve të rrjeteve të komunikacionit publik që t’i riemetojnë në territorin e Maqedonisë dhe kërkojnë që pushtetet maqedonase ta pengojnë dhe ta dënojnë riemetimin e tyre. Prandaj, çdo përfshirje e tyre në paketat programore është vepër e dënueshme dhe KRD patjetër duhet të veprojë konform dispozitave ligjore për mbrojtjen e të drejtave të autorit.

KRD në ueb-faqen e vet, në pjesën “Operatorë”, i ka nxjerrë paketat programore të regjistruara dhe ato mund të këqyren nga qytetarët, që të dinë se cilat servise programore i transmetojnë në mënyrë legale operatorët e tyre kabllorë, IPTV, DVB-T ose DVB-S.

KRD mbrojtjen e të drejtave të autorit e të drejtave të ngjashme e bën gjithashtu edhe në bashkëpunim dhe koordinim me Ministrinë e Punëve të Brendshme, me Entin e Pronësisë Industriale, Prokurorinë Publike, Agjencinë e Komunikacioneve Elektronike dhe me institucionet tjera në vend.

Autor: Borçe Manevski

Aktuale

ÇKA ËSHTË DIGJITALIZIMI I TELEVIZIONIT?

Digjitalizimi i televizionit nënkupton prodhimin, transmetimin dhe pranimin e programeve televizive në formë digjitale, me shfrytëzimin e metodave digjitale të modulimit dhe përpunimit të sinjalit.

Aktuale

Punësim