Trendi i ri global quhet televizion 3D

Kohëve të fundit te ne gjithnjë e më shumë po rritet interesimi për televizionin HD (High Definition), që ka të bëjë me video me rezolutë dukshëm më të lartë në krahasim me sistemet televizive tradicionale. HD ka prej një deri në dy milionë piksela për kornizë, që thjesht paraqet rezolutën 5 herë më të mirë SDTV (Standard Definition TV). Megjithatë, përderisa te ne përmbajtjet HD ende janë në proces të etablimit në treg, bota shkon një hap më përpara, duke paraqitur teknologjinë e televizionit 3D.

(Figura 1. Pamja e pranuesit 3D TV/ DVB T2)

Çka paraqet në të vërtetë 3D?

Televizioni 3D paraqet teknologjinë në rritje, e cila publikut i jep mundësinë e kënaqjes përmes shikimit tredimensional të filmave, programeve televizive dhe të video-lojrave në shtëpitë e tyre. Prapa teknologjisë jo të përditshme dhe të mrekullueshme përpara ekraneve, në skajin tjetër, teknologjia paraqet HD-në e dyfishtë, me procesim plotësues të pamjes në rrafshin –z (në thellësi). Metoda konvencionale e kornizave sekuenciale kërkon syze 3D, të cilat e shfrytëzojnë paralaksin ndërmjet dy pamjeve (fotografive) për syrin e majtë dhe të djathtë. Po qe se gjatë shikimit të filmit 3D nxirren syzet, mund të vërehet që shihen dy pamje të ndryshme të puthitura, por me një zhvendosje të vogël midis tyre. Kamerat me të cilat bëhet xhirimi kanë nga dy thjerrëza dhe më shpesh shfrytëzohen nga dy kamera, të cilat janë të lidhura dhe funksionojnë bashkë, si një. Në momentin e dhënë, pamjet 3D lëvizin nëpër zinxhirin e produksionit si dy pamje të ndryshme, nga një për secilin sy.

TV pranues 3D-ready?

3d_slika

(Figura 2. Njerëz që ndjekin program sportiv në 3D)

Termi “TV pranues 3D ready” në të vërtetë u referohet atyre TV pranuesve të cilët janë të aftësuar për operim në 3D mod, si shtojcë e 2D tashmë standard. Paketa e modeleve të këtilla përfshin set-top-boksin përkatës dhe syzet LCD me blendë. Jepen komanda nga ana e TV për atë se cili sy do të duhet ta shikojë pamjen në momentin gjegjës, duke krijuar kështu pamje stereoskopike (informacion viziv tredimensional ose kreacion iluzioni për thellësi në pamje/fotografi). Edhe pse nuk ka ndonjë madhësi të caktuar që pranuesi të konsiderohet 3D-ready, megjithatë ai duhet të ketë “shpejtësi freskimi” (sa herë në sekondë displeji i tërheq të dhënat) minimale prej 120 Hz. Sa është kjo më e lartë, për aq efekti tredimensional është më i butë dhe më i pastër.

Industria e argëtimit pritet të bëjë për vete standardin e përbashkët dhe kompatibil për të gjitha aparatet elektronike 3D të shtëpisë, me qëllim që të shmanget beteja e formateve të ndryshme dhe të garantohet që shfrytëzuesit, të aftë, të shikojnë përmbajtjen 3D, të shpërndarë përmes mediave elektronike, kabllit, satelitit ose internetit dhe të paraqitur në televizor, në ekranin e kompjuterit ose në tjetër lloj displeji.

Mediat elektronike në 3D?

Sportski_natprevar_vo_3d

Mediat elektronike sportive dimensionin e tretë “e futën” në Kampionatin botëror në futboll në qershor, këtë vit. Në të vërtetë, kanali ESPN filloi me paraqitjen gjallësi (direkt) të ngjarjeve sportive, ndërkohë që deri në fund të vitit planifikon që numri i ngjarjeve sportive me transmetim në 3D të ngjitet në 85. Еurosport kishte еmetuar me 3D në French Open në Paris. Zyrtarisht, kanali britanik BSkyB me emetim të rregullt në 3D do të fillojë më 1 tetor 2010.

(Figura 3. Përballje sportive në 3D, pa syzet 3D)

Аutor: Simona Temellkova

Aktuale

ÇKA ËSHTË DIGJITALIZIMI I TELEVIZIONIT?

Digjitalizimi i televizionit nënkupton prodhimin, transmetimin dhe pranimin e programeve televizive në formë digjitale, me shfrytëzimin e metodave digjitale të modulimit dhe përpunimit të sinjalit.

Aktuale

Punësim