Televizioni mobil – shërbim i ri që premton!

Deri para 30 viteve ishte për t’u habitur po të kishe lidhje telefonike në çdo kohë, me të gjithë dhe çdokund, ndërkohë që sot shikimi i televizionit në çdo kohë, pa marrë parasysh vendin se ku gjendemi, është bërë përditshmëria jonë. Me zhvillimin e teknologjive dhe pajisjeve mobile të shfrytëzimit u instalua trendi i ri botëror i rrjeteve të gjeneratës në vazhdim.

Ç’është, në të vërtetë, televizioni mobil?

Televizioni mobil përbën televizionin që shikohet në ekranet e vogla nga pajisjet e dorës, të cilat në të shumtën e rasteve përbëjnë telefoninë mobile (celulare). Mund të jetë shërbim me pagesë ose shërbim free-to-air. Ekziston edhe obcioni që një emison i caktuar televiziv të zbritet nga interneti dhe të ruhet në telefonin mobil për t’u parë më vonë.

Ekzistojnë mënyra të ndryshme për të bartur përmbajtjet televizive në pajisjen mobile, edhe pse më të shpeshta janë dy. Njëra shkon përmes shfrytëzimit të rrjeteve mobile të telekomunikacionit, përmes teknologjive 3G, ndërsa tjetra përmes shfrytëzimit të platformave DVB-H. E dyta është me përparësi kur është fjala për shërbime të televizionit mobil, për shkak se spektri ka destinim vetëm transmetimin e TV-kanalit, që është alternativa më e mirë, në vend të asaj te 3G, tek e cila rrezja ndahet midis aplikacioneve zanore, dhanore e të tjera.

Televizioni mobil është një lloj i ri shërbimi, tek i cili punohet në mënyrë shumë ambicioze, për shkak se mund të sjellë përfitim të madh edhe për furnizuesit me përmbajtje (për radiopërhapësit), edhe për prodhuesit e pajisjeve mobile. Te ne këtë trend e promovoi operatori i rrjeteve mobile ONE, që transmeton TV-përmbajtje përmes 3G-së së saj. Ky tip shërbimi nuk është televizion mobil tipik, por riemetim i kanaleve terrestriale, destinuar për ekrane më të mëdha, përmes rrjetit 3G të këtij operatori. Në të ardhmen do të paraqiten edhe kanale që do të kenë licenca të veçanta, si “televizion mobil”, me përmbajtje të prodhuara enkas për displeje të vogla.

mobilna_televizija

Figura1: Pamje nga televizioni mobil i ONE

Qasje hibride në 3G me DVB-H

Disa ekspertë konsiderojnë se kombinimi i interaktivitetit të teknologjisë 3G dhe i fuqisë për shpërndarje të lehtë e cilësore të sinjalit përmes teknologjisë DVB-H është zgjidhja më e mirë për televizionin mobil. Transmetimi i pastër përmes rrjeteve 3G të operatorëve mobilë në shtigje më të gjata, gjatë rritjes së numrit të shfrytëzuesve, do t’i stërngarkojë rrjetet mobile, ndërkohë që shfrytëzimi pastër i vetëm teknologjisë DVB-H, ndërkaq, nuk ka kanal kthyes, përmes të cilit do të sigurohej interaktiviteti. Pikërisht kombinimi i këtyre dy teknologjive në një – në televizionin mobil – do të paraqet modelin e suksesshëm dhe shembullin e vërtetë të konvergjencës së plotë të teknologjive radiodifuzive dhe telekomunikative.

Autorë: Simona Temellkova/Borçe Manevski

Aktuale

ÇKA ËSHTË DIGJITALIZIMI I TELEVIZIONIT?

Digjitalizimi i televizionit nënkupton prodhimin, transmetimin dhe pranimin e programeve televizive në formë digjitale, me shfrytëzimin e metodave digjitale të modulimit dhe përpunimit të sinjalit.

Aktuale

Punësim