Reklamimi tradicional në erën digjitale-e kaluar apo klasikë?

Reklamimi është industri që ndihmoi shumë biznese të zhvilloheshin, por dhe shumë të tjera të humbisnin, që do të thotë se shumë ka për t’u folur rreth fuqisë së reklamimit. Pa një fushatë të fuqishme reklamimi, shumë vështirë e ka ndonjë biznes që të ngjitet vijës përpjetë-bile edhe atëherë kur produktet ose shërbimet janë ekskluzive. Kësaj më së shumti i kontribuon konkurrenca e fuqishme, por edhe paaftësia që të ruhet vëmendja e ndonjë klienti potencial, kështu që biznesi do të kalojë i pavërejtur ose nuk do të popullarizohet shumë. Disa njerëz konsiderojnë se me paraqitjen e internetit duhet t’i jepet fund reklamimit klasik, mirëpo kjo, megjithatë, nuk është mirë.

Teleshopping

Nëse asgjë tjetër, rritja e internetit na tregoi se reklamimi është me rëndësi thelbësore, ashtu si ka qenë përherë. Megjithatë, metodat e reklamimit patjetër është dashur të ndryshojnë, që të jenë në hap me shprehitë e reja të klientit mesatar. Përderisa reklamat e shtypura në gazeta dhe revista mundësojnë një sukses potencial për disa biznese, popullariteti dhe ndikimi i tyre po shënon rënie. Gjithashtu, radio dhe TV-reklamimi mbeten të fuqishme, mirëpo shumica e kompanive kanë filluar që një pjesë të konsiderueshme të reklamimit ta bartin në internet.

Si i ndryshojnë mediat e reja format e reklamimit?

Për bizneset, me rëndësi është që të kenë mundësinë e rangimit edhe tek internet-kërkuesit, për shkak se, në të kundërtën, do të kuptojnë se vetëm harxhojnë shumë para në fushatat e tyre të reklamimit, të cilave konsumatorët nuk mund t’ua gjejnë vendin onlajn. Ka shumë mënyra të ndryshme që biznesi të fitojë më tepër rëndësi te kërkuesit siç janë Yahoo!, Google, si dhe të arrijë popullariten e nevojshëm me ndihmën e fushatave me pagesë të kërkimeve.
Depërtimi i mediave klasike në sferën e internetit, gjithashtu, ndryshoi mënyrat dhe format e reklamimit. Interaktiviteti i internetit në botën e reklamimit i solli format standarde të reklamimit, siç është “spoti reklamues” tradicional, ndërkohë që gjithashtu në botën e mediave i solli banerët-sensitivë ndaj klikut, teleshopingun interaktiv, lojrat interaktive në televizionin me bazë interneti, reklamimin virtuel, advergejmingun (advergeming – lojë interaktive me një produkt të caktuar) dhe in-game-advertising-un, që është reklamim firmash, produktesh dhe shërbimesh në vetë lojën interaktive, si dhe advertajzingun mobil (mobile advertising).

Sliki_bez_i_so_virtuelen_advertajzing

(Figura 1: Pamje me ose pa advertajzing virtuel – kompjuterisht futet reklama direkt në ndonjë sipërfaqe, pa u ndërprerë programi dhe pa u çrregulluar koncepti/skenografia estetike)

In_game_advertising

(Figura 2: In-Game-Advertising ose reklamim në një lojë kompjuterike)

Sferat mediatike sociale, siç është Fejsbuk (Facebook), gjithashtu ofrojnë lëmenj të rinj reklamimi të biznesit dhe në disa raste ky reklamim është më i lirë dhe më i pagueshëm sesa ai tradicional. Sido që të jetë, për biznesin është me rëndësi që t’i jepet rëndësi komunikimit në platformat mediatike sociale, edhe pse këto media janë shumë të papërhershme. Që të ruhet kontrolli mbi fushatat e reklamamit përmes rrjeteve sociale rekomandohet që të sigurohet biznesi – që do të thotë gjithnjë të jetë i pranishëm në dritë sa më të mirë, që kompanitë të gjejnë nevojën e tyre, të harxhojnë para dhe kohë në të.

Çelësi i reklamës së suksesshme është SI të harxhohen drejt paratë, e jo SA para duhet të harxhohen

Te bizneset e sotme mbisundon dilema se sa mjete duhen shpërndarë nga buxheti për reklama, si të bëhet kjo dhe për cilin lloj të reklamimit. Duke pasur gjithë ato mundësi depërtimi te klientët, shumë kompani nuk mund ta vendosin se si t’i shpërndajnë fondet për reklamim, që në mënyrë sa më efektive të depërtojnë te konsumatorët e tyre potencialë.

Sido që të jetë, puna kryesore që duhet mbajtur mend për biznesin – pa marrë parasysh buxhetin – është të kesh fushatë të integruar reklamimi. Kjo do të thotë që nuk duhet të investohen të gjitha mjetet për reklamim ekskluzivisht përmes TV-reklamave ose të fushatës me pagesë të kërkimeve, por të bëhet përpjekje që të hollat të shpërndahen drejt të gjitha platformave mediatike, që të arrihet mbulim më i gjerë dhe të shfrytëzohen të gjitha mundësitë e hapura për reklamim. Konvergjenca e teknologjive të ndryshme mediatike të çojnë edhe te konvergjenca komunikologjike në sferën e shpalljes dhe të disenjit të fushatave reklamuese.

Aktuale

ÇKA ËSHTË DIGJITALIZIMI I TELEVIZIONIT?

Digjitalizimi i televizionit nënkupton prodhimin, transmetimin dhe pranimin e programeve televizive në formë digjitale, me shfrytëzimin e metodave digjitale të modulimit dhe përpunimit të sinjalit.

Aktuale

Punësim