DVB-T2, televizion digjital i gjeneratës së dytë

Teknologjia DVB-T duket që hyn në një “fazë më të pjekur”. Kjo teknologji e transmetimeve digjitale pa tel, e cila ende s’e ka arritur maksimumin e vet të eksploatimit, po përjeton konkurrencën e trashëgimtarit të saj direkt – gjenerata e dytë e DVB, e kjo është DVB-T2. Gjenerata e dytë e transmetimeve terrestriale digjitale (pa tel) ofron mundësi që të rritet kapaciteti i multipleksëve për transmentim të përmbajtjeve televizive. Në krahasim me standardin televiziv digjital të tanishëm, DVB-T, gjenerata e dytë mundëson rritje minimale të kapacitetit për minimum 30 deri në 50 për qind në kushte ekuivalente pranimi dhe shfrytëzimi të antenave të njëjta. Sa për krahasim, shfrytëzimi i tanishëm i një multipleksi, po e shpjeguam praktikisht, nënkupton transmetimin e rreth 10 kanaleve televizive me rezolucion standard (SD) apo 5 me rezolucion të lartë (HD). Nga ana tjetër, ndërkaq, teknologjia DVB-T2 do të mundësojë nivel shtesë shfrytëzimi të kapaciteteve, kështu që vetëm në një multipleks do të kishte mundur të transmetoheshin edhe deri në 15 kanale me SD.

Përvoja ndërkombëtare me DVB-T2

Meqë kjo teknologji ofron shumë kapacitete në kanalet e transmetimeve, DVB-T2 po bëhet një mënyrë e përshtatshme e transmetimit të sinjaleve HDTV të TV-kanaleve terrestriale, e cila tani për tani është më e levërdishme nga aspekti teknik për operatorët e rrjeteve optike, kabllore dhe satelitore.
DVB-T2 është aktualе në disa shtete si Britani e Madhe, Itali, Suedi, Danimarkë e disa vende të tjera. Disa vende, të cilat ende gjenden në fazën fillestare të futjes së DVB-T, planifikojnë që menjëherë të nisin me emetimin përmes rrjeteve DVB-T2, siç është shembulli me Serbinë dhe Ukrainën, me qëllim që të shmangen investimet e panevojshme në teknologjinë DVB-T “paksa të vjetëruar” të gjeneratës së parë.

Situata është e ngjashme edhe në Afrikë: gjatë vitit të kaluar (2011), katër vende afrikane – Zambia, Uganda, Kenia dhe Nigeria – filluan me emetimet digjitale dhe këtë e bënë duke e shfrytëzuar menjëherë teknologjinë DVB-T2. Rrugës së njëjtë ecin edhe disa vende afrikano-lindore siç janë: Tanzania, Ruanda dhe Burundi.

Mongolia tashmë edhe zyrtarisht vendosi që standardet e emetimit terrestrial, kabllor dhe satelitor t’i ngrejë në nivelin e gjeneratës së dytë, kështu që në këtë vend operatorët patjetër të shfrytëzojnë: DVB-T2 (për terrestriale pa tel), DVB-C2 (emetim digjital përmes kabllit), DVB-S2 (standard për emetimet satelitore, moti i pranishëm në treg për shërbimet DTH).

Ç’do të thotë DVB-T2 për vendet që tashmë i shfrytëzojnë shërbimet DVB-T?

DVB-T është sistemi terrestrial digjital më i shtrirë në nivel botëror, me mbi 60 vende që e kanë pranuar dhe e kanë instaluar standardin DVB-T dhe me mbi 200 milionë aparate pranuese. Sot çmimi i aparateve pranuese vazhdimisht bie dhe modelet bazë të aparateve pranuese arrihen me një çmim të ulët edhe në Maqedoni. Në nivel botëror, me çmim të përballueshëm janë edhe set-top-bokset DVB-T2, edhe aparatet pranuese televizive të integruara. Ndërmjet DVB-T dhe aparateve pranuese televizive të integruara T2 çmimi shumë pak dallon.

Në vitet në vazhdim, në vendet ku ka filluar shfrytëzimi i shërbimeve DVB-T prej rregullatorëve mund të pritet që të jenë të interesuar që të arrihet shkyçja e plotë e analogut, ndërsa procesi t’i çlirojë frekuencat e larta nga spektri për destinime të tjera. Futja e shërbimeve të reja, që e shfrytëzojnë teknologjinë DVB-T2, ka mundësi të bëhet pas sviç-ofit analog, për shembull, instalim të multipleksëve të rinj nacionalë të cilët do të ofrojnë servise HDTV me shumë kanale, ose ndoshta shërbime inovative të dhënash. Në këto vende kalimi nga shërbimet DVB-T në shërbimet DVB-T2 do të duhet të bëhet me kujdes të madh, kështu që është e pritshme që një periudhë të caktuar kohore do të duhet që të ekzistojnë që të dy tipat e shërbimeve.

Gjendja në Maqedoni dhe kalimi në DVB-T2

Meqë Maqedonia ishte një nga vendet që relativisht më herët e futi DVB-T (viti 2009), përmes operatorit të televizionit terrestrial digjital –ONE- tani për tani standardi i rrjetit të ONE dhe rrjetit që filloi të ndërtohej nga Radiodifuzioni Maqedonas (RDM) për transmetimin e programeve të RTM (MRT) është i gjeneratës së parë të DVB-T. Kalimi në teknologjinë DVB-T2 nga ana e transmetuesve nuk do të duhet të jetë shumë i vështirë dhe i shtrenjtë, aq më tepër që disa kompani ofruan në treg edhe zgjidhje softueri për mbindërtimin e sistemeve të transmetimeve prej DVB-T në DVB-T2.

Ndërrimi eventual i teknologjisë do të kishte mundur të bëhej problematik në nivelin pranues: ata që tashmë kanë blerë TV-pranues të rinj, që është i përshtatshëm për pranimin e sinjalit DVB-T, nuk do të mund të pranojnë sinjalin DVB-T2. Atyre do t’iu duhen risiverë shtesë për konversimin e sinjalit – set-top-bokse DVB-T2.

Autorë: Borçe Manevski/Simona Temellkova

Aktuale

ÇKA ËSHTË DIGJITALIZIMI I TELEVIZIONIT?

Digjitalizimi i televizionit nënkupton prodhimin, transmetimin dhe pranimin e programeve televizive në formë digjitale, me shfrytëzimin e metodave digjitale të modulimit dhe përpunimit të sinjalit.

Aktuale

Punësim