Digjitalizimi i televizionit

ÇKA ËSHTË DIGJITALIZIMI I TELEVIZIONIT?

Digjitalizimi i televizionit nënkupton prodhimin, transmetimin dhe pranimin e programeve televizive në formë digjitale, me shfrytëzimin e metodave digjitale të modulimit dhe përpunimit të sinjalit.

PSE DIGJITALIZIM?

Procesi i digjitalizimit të televizionit është kryer, respektivisht është në rrjedhë në shumicën e vendeve evropiane. Derisa nuk kalohet në televizionin digjital, jo vetëm që Republika e Maqedonisë do të ngec në aspektin teknologjik në raport me vendet tjera, por edhe sinjali digjital nga vendet fqinje do ta pengojë sinjalin ekzistues analog në vendin tonë.

U tregua që televizioni analog më shumë u nënshtrohet interferencave dhe humbjes së sinjalit ose dyfishimit të tij, që karakterizohej me të ashtuquajturat “hije dhe dëborë” në fotografinë e TV marrësve.
Me kalimin në transmetimin digjital lirohen frekuenca të cilat janë të nevojshme për zhvillimin e shërbimeve të reja, përfitimet e shërbimeve të reja nga vargu i çliruar i frekuencave për shkak të kalimit në transmetimin digjital tokësor, programet televizive shpesh herë quhen dividendë digjitale.

Mënyra digjitale e transmetimit të sinjalit ofron fotografi dhe zë shumë më cilësor dhe shërbime të tjera të reja, ndërsa digjitalizimi mundëson zbatimin e 4G (gjenerata e katërt e rrjeteve mobile me bandë të gjerë) që mundëson shpejtësi të madhe në qasje të internetit.

KUR DO TË NDËRPITET SINJALI ANALOG ?

Me vendimin e Qeverisë së Republikës së Maqedonisë afati i fundit për ndërprerjen e sinjalit televiziv analog është caktuar 31 maji i vitit 2013. Kjo do të thotë se vetë sinjali digjital do të filloje të transmetohet prej ditës së nesërme, respektivisht nga 1 qershori i vitit 2013.

ÇFARË NËNKUPTON NË PRAKTIKË NDËRPRERJA E SINJALIT ANALOG ?

Më 1 qershor 2013 do të ndërpriten të gjithë sinjalet analoge, dhe do të ketë vetëm transmetues digjital për emetim të sinjalit televiziv, që nënkupton se me modelet e televizorëve të vjetër me ndihmën e antenës së thjeshtë televizive vendore nuk do të mund të shikohen më programet e stacioneve televizive vendore.

SI DO TË TRANSMETOHET SINJALI DIGJITAL ?

Programet do të transmetohen nëpërmjet multipleksëve digjitale tokësore. Në dhjetor të vitit 2012, Këshilli i Radiodifuzionit e miratoi Planin për ndarjen e kapacitete portative (të lëvizshme) të multipleksëve digjitale tokësore ku dhe përcaktohet qëllimi i tyre.

Nga gjithsejtë 8, deri më tani 7 multipleksë, nga të cilët : 2 të NP “Radiotelevizioni i Maqedonisë” për transmetimin e programeve të Radiotelevizionit të Maqedonisë, 3 të operatorëve të rrjetit të komunikimit publik Digi Plus Media, i cili është pjesë grupacionit të One, për televizionin e paguar (Pay TV) dhe 2 për operatorin e telekomunikacionit One, për transmetimin e TV stacioneve në nivel republikan dhe regjional.

SI DO TË MUND TË SHIHET SINJALI DIGJITAL TELEVIZIV ?

Ata qytetarë të cilët shikojnë televizion përmes operatorëve kabllovik nëpërmjet BOOM TV ose MAX TV nuk do të jenë të prekur nga ç’kyçja e sinjalit analog televiziv dhe ata programe vendore televizive do të mund t’i shikojnë edhe më tej njësoj.

Qytetarët tjerë të cilët i pranojnë programet vendore televizive me antenë të rëndomtë, në aparat televiziv të modelit të vjetër dhe nuk janë parapagues të ndonjë operatori kabllovik apo të operatorëve si BOOM TV, MAXTV, do të duhet të blejnë ose pajisje speciale të quajtur Set Top Box (STB) ose aparat televiziv me pranues të integruar digjital me DVB-T standard. Në të dyja rastet antena e rëndomtë do të jetë e nevojshme. Prandaj mos e hidhni antenën e vjetër!

PËRSE DUHET BËRË KUJDES KUR BLEJMË TELEVIZOR TË RI ?

Po ta vendosni që të bleni televizor të ri me tjuner të instaluar, të jeni të sigurt se ngjeshjen MPEG-4, DVB-T standard i keni aty dhe me ta mund të kapet televizioni me definicion majçar – HD Ready ose FullHD.

A DO TË PAGUAJMË SHPENZIME SHTESË PËR TI SHIKUAR KANALET DIGJITALE ?

Shikimi i televizioneve vendore të përmendura është falas, pa asnjë tarifë shtesë mujore. Qytetarët do të kenë vetëm njëherë shpenzime për blerjen e Set Top Boks ose por derisa vendosen që të blejnë televizor të ri, shpenzime për TV- marrësin.

Megjithatë, duhet të kihet parasysh se operatori (One) i cili do ti transmetojë TV Stacionet digjitale vendore, mund të ofroje shërbime shtesë, për shembull mundësia për të parë kanale të huaja, për çka do të paguhet kompensim. Ajo që duhet të dihet është se ajo është zgjedhja e vetë qytetarit – nëse dëshiron të shikoje plus kanale të (huaja) do të duhet të paguaje shpenzimet. Në të kundërtën, nëse dëshiron që ti shikoje programet vetëm në stacionet vendore nuk ka shpenzime shtesë, por ngelet vetëm shpenzimi për Set Top Box.Tarifa ekzistuese publike, kompensimi për taksën radiodifuzive është e pavarur nga procesi i digjitalizimit dhe ajo edhe më tej ngelet si taks e ndarë.

CILAT JANË PËRFITIMET NGA DIGJITALIZIMI ?

Përfitimet nga digjitalizimi i sinjalit televiziv janë të shumta:

-Fotografi dhe zë shumë më të mirë dhe më cilësor;

- Numër shumë më i madh i programeve;

Kanale shumzërëshe , shërbime të tjera plotësuese si titrimin në më shumë gjuhë dhe mundësinë për zgjedhjen e gjuhës së dëshiruar, për shembull gjatë shikimit të ndeshjeve fudbollistike mundë të zgjidhni në cilën gjuhë dëshironi ta shikoni ndeshjen;

-Udhëzues elektronik të programit, respektivisht udhëzues televiziv i cili përmban orar të programeve që transmetohen me termin dhe përshkim të emisioneve deri më shtatë ditë;

- Pranimin e serviseve televizive edhe me aparatura dhe pajisje tjera “ të zgjuara ” pajisje dhe mjete (kompjuter personal, telefon) etj;

- Mundësi për kanale të reja tematike (Informative,fëmijërore, sportive);

- Teleteks më të shpejt;

- Televizion 3D;

- Mundësi për televizion interaktiv me shfrytëzimin e internet lidhjeve, shërbime informative (datacasting), blerje dhe pagesë prej në shtëpi, integrimin e internet aplikacioneve si rrjete sociale, portative dhe pritje celulare.

KU DO TË MUND TA BLEJMË SET TOP BOKSIN?

et top boksin do të mund ta bleni në të gjitha shitoret e operatorit “ONE” dhe në shitoret për TV & audio pajisje. Por derisa Set top boksin e bleni nga “ONE”, shfrytëzuesi i fundit do të ketë mundësi të zgjedh a dë të bleje vetëm Set top boks që ti shikoje programet ekskluzivisht në stacionet televizive vendore ose do të parapaguaje në ndonjë nga shërbimet të cilat “ONE” do ti mundësoje (me kyçjen e kanaleve të huaj).

KU MUND TË MERNI MË SHUMË INFORMCIONE PËR DIGJITALIZIMIN ?

Për detaje më të hollësishme në lidhje me kalimin drejt digjitalizimit, qytetarët mund të drejtohen në Këshillin e Radiodifuzionit të Republikës së Maqedonisë, ose në tel. 02) 3103 417 ose ta vizitojnë ueb faqen e Këshillit www.srd.org.mk.

Aktuale

ÇKA ËSHTË DIGJITALIZIMI I TELEVIZIONIT?

Digjitalizimi i televizionit nënkupton prodhimin, transmetimin dhe pranimin e programeve televizive në formë digjitale, me shfrytëzimin e metodave digjitale të modulimit dhe përpunimit të sinjalit.

Aktuale

Punësim