Digi.TV

Teknologjitë dhe shërbimet informative-komunikuese (TIK) gjithnjë e më shumë po kontribuojnë në zhvillimin e shoqërisë. Në pajtim me këtë devizë, qëllimi i projektit të EJL Digi.TV është që përmes implementimit të tij të përshpejtohet digjitalizimi i serviseve radiodifuzive, si dhe të kontribuohet në përdorimin e gjerë të shërbimeve TIK për internet brezgjerë.

Në aktivitetet e projektit do të përfshihen palë të ndryshme interesi, sidomos radiopërhapësit dhe industria mediatike, ndërkohë që ndikimet pozitive të projektit do të duhet të reflektohen edhe në mjedisin më të gjerë afarist e shoqëror. Projekti do të ballafaqohet me problemet e jazit digjital dhe të përfshirjes sociale, me synimin përfundimtar krijimin e mundësive të barabarta rajonale.

Në fokus të projektit Digi.TV të EJL është harmonizimi i aktiviteteve në tërë rajonin e Evropës juglindore në lidhje me kyçjen e serviseve radiodifuzive digjitale, duke kontribuar me këtë rast në:

1. Përshpejtimin e tërë procesit të shkyçjes analoge në rajon dhe në zhvillimin dhe aplikimin e mëtejshëm më efikas të teknologjive,

2. Harmonizimin e përparuar të kornizës legjislative dhe teknike në vendet pjesëmarrëse të projektit me digjitalizimin në BE, duke i ikur me këtë rast fragmentimit politik, teknologjik dhe të tregut,

3. Zhvillimin e propozimit rajonal për shfrytëzim optimal të spektrit të frekuencave të çliruara për shërbime të reja brezgjera TIK dhe

4. Angazhimin për të qeverisur me dividendën digjitale.

Me realizimin e projektit Digi.TV të EJL pritet që të finalizohet platforma transnacionale e konversionit analog/digjital, si dhe mbështetja e proceseve të ndërlidhura në tërë rajonin.

Vende pjesëmarrëse në projekt janë: Sllovenia, Italia, Austria, Hungaria, Kroacia, Bosnjë-Hercegovina, Serbia, Mali i Zi, Maqedonia dhe Shqipëria.

Qëllimet e projektit

Projekti Digi.TV i EJL ka për qëllim integrimin dhe koordinimin e bashkëpunimit dhe të zhvillimit rajonal të vendeve pjesëmarrëse në projekt në lidhje me procesin e konversionit analog/digjital, si dhe digjitalizimin e veprimtarsisë radiodifuzive në kuptimin e gjerë.

Qëllime specifike të projektit janë:

1. Të minimizohet jazi digjital në rajon përmes promovimit të zhvillimit dhe implementimit të shërbimeve të reja interaktive përmes platformës teknologjike DVB-T,

2. Të pengohen implikimet e mundshme negative sociale dhe ekonomike nga procesi i konversionit analog/digjital duke siguruar platforma transnacionale mbi bazë të transferimit të dijes dhe të aktiviteteve të koordinuara,

3. Të zvogëlohen pabarazitë ligjore, teknologjike dhe administrative në sferën radiodifuzive përmes sigurimit të një fushate të harmonizuar ligjore, teknike dhe ekonomike-informative,

4. Të rritet cilësia dhe arritja e infrastrukturës televizive digjitale dhe qasja në shërbime në vende të caktuara të rajonit, si dhe të kontribuohet edhe në kryerjen e shpejtë dhe efektive të konversionit analog/digjital,

5. Të zvogëlohet jazi midis vendeve të BE-së dhe vendeve-pjesëmarrëse në projekt në sferën e transmetimeve televizive digjitale,

6. Të bëhet harmonizimi i teknologjive dhe standardeve që aplikohen për teknologjitë DVB-T në rajon dhe

7. Të nxitet zhvillimi dhe implementimi i shërbimeve të reja për të gjitha grupet e popullsisë në rajon.

Profili i projektit

Emri i projektit

Projekt rajonal Digi.TV i Evropës Juglindore

Partnerë

Trupat rregullatorë nacionalë nga sfera e radiodifuzionit të Sllovenisë, Italisë, Austrisë, Hungarisë, Kroacisë, Bosnjë-Hercegovinës, Serbisë, Malit të Zi, Maqedonisë dhe Shqipërisë

Burime financimi

Fondet paraardhëse të BE-IPA

Buxheti për implementim në R. e Maqedonisë

72.017,00 EUR

Periudha e implementimit

Korrik 2011 – Prill 2013

Kontakt

Bul. VMRO nr. 3

1000 Shkup

sovet@srd.org.mk

389 (0)2 3103 400

389 (0)2 3103 401

Aktuale

ÇKA ËSHTË DIGJITALIZIMI I TELEVIZIONIT?

Digjitalizimi i televizionit nënkupton prodhimin, transmetimin dhe pranimin e programeve televizive në formë digjitale, me shfrytëzimin e metodave digjitale të modulimit dhe përpunimit të sinjalit.

Aktuale

Punësim